"நச்" சுனு நாலு ஹைக்கூ

முகத்தை தொலைத்து
விரல்களால் பேசுகிறோம்
பதிவு அரசியல்

கண்கள்
சாப்பிடும் போதைமருந்து
ஆபாச திரைப்படம்

சுவர்களும்
சுவாசிக்கின்றன
ஜன்னல் வழியாய்

இந்த சாக்கடையில்
எந்த பெருச்சாளி பெட்டர்?
அரசியல்!

மழையும் ஒரு தேவதையும்

நீ
வரப்போகும்
நாள் தெரியும்
மழைக்கு...

என் வீட்டு
வாசல்களை
சுத்தமாக்கி செல்கிறது

உன் வருகைக்காகவே
தென்மேற்கு
பருவக்காற்றும்
ஜன்னல் வழியாய்
வயலின்
வாசிக்கிறது.

உனக்காக
எழுதிய கவிதைகள்
தாழ்வாரங்களில்
காகிதக்கப்பாலாய்
பூ சுமக்கின்றன

அடித்துப்பெய்யும்
மழையில் - நீ
கதவுகளை
தாளிடுகிறாய்...


மழை நீரோடு
கரைகிறது
என் காதல்.

சில ரோஜாக்களும் ஒரு கவிதையும்

உனக்கு நியாபகம் இருக்கிறதா...
முதல் சந்திப்பின் போது
சில ரோஜாக்களை
காகிதத்தில் சிறையெடுத்து
என் கரம் தழுவி
வாழ்த்து சொன்னாய்..

அப்போதே தெரியாமல் போனது...
இந்த ரோஜாக்களை போல
நானும் உன்னிடம்
சிறைபடுவேன் என்று!

மீனலோசனி.

இது மொழியா... விழியா...

ஈரம் வழியும் விழிகளின்
மொழி - உனக்கு
புரியாத பாசைதான்.

இந்த நீர்த்துளியின் பின்னால்
ஒழிந்திருக்கும்
உன் நினைவுகளை
புரட்டி படி.

இது மொழியா...
விழியா...
எனப்புரியும்.

மீனலோசனி.

நான் அழகானவள்

நான் அழகானவள்
என்ற கர்வம்
இப்போது
இருப்பதில்லை...

நீ சொன்ன
பொய்களில்
நான் அழகானவள்
என்பது தான்
மிகப்பெரிய
பொய்யாய்
கேலிபேசிய
நாளில் இருந்து...

மீனலோசனி.